كلمات ترنيمة : ربي خلقتني لك

⁽¹⁾ ربي خلقتني لك ف العالم
لكن مدتنديش ليه
دم صليبك خلاني اغلي
من كل العالم وما فيه


اشهد فيه عن حبك ربي
مصلوب له وعايش لك فيه


^(ق) ربي لذاتك خلقتني
وغيرتك نار تحمي لك حبي
ترفض اي شريك لك في
انا ينبوع مختوم لك ربي


انت الاول ومفيش قبلك
وانت الاخر ولا فيش بعدك
وانت الكل وما في جمبك
اخترتني فاختارك قلبي


⁽²⁾ مدتنيش لكائن مخلوق
مهما كان ولا حتي لذاتي
ربوبية حبك حرية
تحرم غيرك من عباداتي


ادي محبتي لك في الكل
وانا متحرر لك بحياتي


⁽³⁾ مدي لعبدك كل الخير
لكن انا لك مش لهباتك
ازاي اكون لعطايا منك
وانت اديتني بحب حياتك


افرح بهباتك واصونها
انما وانا فرحه لذاتك


⁽⁴⁾ مادتنيش لعلوم عن حرفك
وكلام عن افكار نواحيك
لكن دوقتني اعيش عارفك
واشاهد واعلن وانا فيك


عابر كل حروف ومعاني
وجهلي وعلمي ورايح ليك


⁽⁵⁾ ولا وجهت لخدمة حياتي
كهدف احياله واعيش بيه
لكن انا عملك في كنيستك
حبك اظهرني لك فيه


ايوه اعمل واتركه لك خلفي
اخلاصي لوجهك مش ليه


⁽⁶⁾ من قصد القرب اللي ف قلبك
مجعلتش غرضي العبادات
لكن قدستني لك هيكل
وذبيحه ومذبح جمرات


اسجد واقدملك وانا
المطلوب عندك في السجدات


⁽⁷⁾ لما باركت بدايتي ف حضنك
مادتنيش غير قلبك بيت
ولا عينت لي اسكن غيرك
وانت جابلني اكونلك بيت


ابني فبيتك واتبني فيه
منزل لك وانت اللي بنيت


⁽⁸⁾ من قبل الاكوان ما تكون
مدعتنيش لسما ولا ارض
لكن ملكوتك جوايا
وانت نعيمي وكل السعد


ياللي نزلت عشان اعديلك
وانا ف السما واقول: انت المجد


⁽⁹⁾ مش لنهاية جعلتني اسعي
فيها انال تاج او تمجيد
ربي يسوع انت مجازاتي
اكليلي وتاج المواعيد


فرحي وسعي ايماني وحدك
عيدي وما فيه بعدك عيد



خريطة الموقع