كلمات ترنيمة : ربي سر وجودي

^(ق) ربي سر وجودي
هدفي وهو مرادي
أكون على صورته، وتحكي عنه
حياتي وأناشيدي


⁽¹⁾ ما خلقنيش علشان
محتاج عبد وعابد
إنما أوجدني كإنسان
الله أبويا لعيدي


⁽²⁾ حبني قبل الكون
وبحبه جيت الكون
مختار من قبل الأكوان
أكون صورة سيدي


⁽³⁾ جبلني بيديه
مُقَدَّس له وحديه
ونفخ فيَّ حياة تناديه:
محبوبي ومعبودي


⁽⁴⁾ ما فهمتش هو ليه
خلقني غير بمجيه
متجسد بمحبة ونعمة
حاضن صورتي وعودي


⁽⁵⁾ عشت ف عتمة وخوف
لا متشاف ولا بأشوف
جه نورني وعاد صَوَّرني
وقال: انت لتمجيدي


⁽⁶⁾ مَرّ وأنا في هواني
وزمن الحب زماني
جه بصليبه رفع لي راسي
فجيت أحنيها في سجودي


⁽⁷⁾ أخد اللي أنا عليه
واداني ما ليه
حرر نفسي وقالها شوفي
العز معايا وسودي


⁽⁸⁾ حياتي بكلماته
وبروحه وحياته
بأمانته ورحمته أنا عايش
بعهده مش بعهودي


⁽⁹⁾ لا السما ولا عطاياه
هما هدفي وياه
يسوع المسيح وكفاية
هو غايتي ومقصودي


⁽¹⁰⁾ أحياني على خيره
وموتني عن غيره
أنعم عليَّ بحضوره
غني يا نفسي وزيدي


⁽¹¹⁾ حياتي في يديه
مضمونة لمجيه
أنا لله وليوم لقاه
هو سندي وصمودي



خريطة الموقع