كلمات ترنيمة : ربي عايشين

ربي عايشين وسط دنيا
إنت أدرَى مِنّا بيها
كل حاجة فيها تِوجَع
ويا عالِم إيه ماليها


عايشة فيها النّاس مظاهر
والدَّواخِل جُوّا تِحزِن
ولِسان حالها بيِشكي
نِفسي ألقّى الرَّاحة فيها


دا اللّي مِستنَّيها تِحلا
أو مأمَّل فيها لحظة
يبقى ظنّه فيها خايِب
ولا يِستأمنها بُكرَه


مِش تشاؤم دي الحقيقة
فكّر فيها لو دِقيقة
كلّ واحد فيها ماشي
بَسّ مِش باينه له سِكّة


واللّي فاكِر ليها عَدْلَة
راح تجِيها بعد مِيل
وانتظارُه طال وعشمان
لو لِلَحظة مِنها خير


واللّي حظَه كان قَليَّل
ويادوب اخد له كِيل
يعرف انّ الدَّنيا خايبه
وِالكريم فيها بخيل


دا الكتاب سبَق وقالها
احنا عايشين وِسط لِيل
بَسّ جاي نهار جِديد
جاي بعد ليل طويل


واللّي حُزنه كان مطوّل
او مُهَمَّش مِن كتير
راح يعوَّضُه زياده
أصله مصدر كلّ خير


وَامَّا يُحبُك فيَّ ضيقها
آجي أرفع عيني ليك
ألقَي طاقه مفتوحه ليَّ
وابتسامه من عينيك


القّي حِضنك جاي يطمَّن
رغم عيشتي وِسط ضيق
والأنين والشّكوى تبرَد
لما ألقى سلامي فيك


لُولا إحنا لسَّه فيها
والسَّلام في أراضيها
كان زمانها شكل تاني
والغضب كان جِا عليها


دا اللّي فيه دلوقتي ارحَم
بسّ مين يِعرف ويِفهم
جُوَّا فُلك النَّعمه أدخُل
دا الطّوفان ها يجِيب عالِيها


ويا اللّي مِحتار من ذنُوبك
مِش عارف علي فين ترُوح
كُلّ يوم تِجرح في نَفسك
واتملا قلبك جُرُوح


زَيّ مجنون ولا دارِي
عاملَه إيه فيك الخطيَّة
مقَيَّدَاك وانتَ أسيرها
فين ما هيّ تكون تروح


دا المسيح حَبَّك محبَّه
لو تشوفها قدّ إيه
تِرمي كُلّ غالي عندُه
وترمي نفسك بِين إيديه


هُوّ جاي يفكّ أسرَك
لو توافق تِبقي ليه
تِبقي حُرّ ومِن ساعِتها
يِبقي فِيك وتبقي فيه



خريطة الموقع