كلمات ترنيمة : رفضت كلامك

أتاريني بابني بيوت من رمال


رفضت كلامك وقلت أمامك أمورك في عيني بقت ماتساويش


وحلمي بطريقي هايبقى حقيقي وأفراح هاتبدأ ومابتنتهيش


وساعتها أكبر وأكبر وأكتر وهاقدر أحقق طموحي وأعيش


وحلم لحياتي مجرد خيال


دي روعة حياتي إني أعيش لشخصك


ومن غير وجودك سلامي محال


ومهما هافكر وأتعب وأدور مش هالقى يا ربي مثيلك حبيب


صليبك طريقي حضورك رفيقي وكل حياتي هاتفضل قريب


وتفضل يا غالي غلاوتك قبالي وساعتها هاقبل أعيش لك غريب


محتاج لك ياربي تنور لي دربي من نار الخطية قلبي اكتوى


مش هاقدر أسيبك حياتي في إيديك وباصرخ ساعدني ونمشي سوا


ماهو إنت نصيبي وشخصك طبيبي وصوتك بيشفي وحبك دوا



خريطة الموقع