كلمات ترنيمة : روح الله ماليني

^(ق) روح الله ماليني هو بيعزيني
وصوت يسوع مني بيطمني
ويقول دا انت فى يميني


⁽¹⁾ وأنت في الخطية
كنت غالى على
وزى العيون غلاوتك هاتكون
بعد رجوعك تانى لي


⁽²⁾ السما فرحانة بيك
وملايكة من حواليك
وأنت بتخدمني وبتقدمني
وأنا سهران دايما عليك


⁽³⁾ وإن مريت بتجارب
أو صادفت عقارب
دوس بعز أوعى تتهز
لأني فيك أكون أنا غالب


⁽⁴⁾ في كل ضيقاتك
أنا شريك حياتك
أبعت ملاكي يقف ويشاكي
وأنا ضامن لك نجاتك


⁽⁵⁾ عيش مرفوع الرأس
ولا تخاف من الناس
وإصبر و إتحمل وإنظر لى وأتأمل
وأيه يعملوا بيك الناس


⁽⁶⁾ مين يقف قدامك
إفتكر مقامك
دا أنت إبني واللي يصيبك يصيبني
وأنا بنفسي ساير أمامك


⁽⁷⁾ دا أنا وهبت خدامي
يشتركوا في آلامي
وحسب وعدى يشتركوا في مجدى
وهنا يحفظهم ملء سلامي



خريطة الموقع