كلمات ترنيمة : ساعات بضحك

ساعات بضحك بقصد عشان
احسس نفس ان انا فرحان
و عشان منساش شكل الفرحة
و ماخدش على وجود الأحزان


و ساعات من خنقة الاحساس
أنا ببعد عن عيون الناس
و أبكى و دمعة تجيب دمعة
علشان محتاج أبكى و خلاص


أنا كل حياتى متلخبطة
متخبطة كل المشاعر محبطة
مخنوقة الاحلام جواياااا
و عمالة تموت


خطوات رجليا متنطورة متأخرة
أنا ماشى بس ماشى ل ورا
نفسى أصرخ من يأسى
لكن مش طالع صوت


حاولت كتير لوحدى أعيش
لكن ضعفى ماساعدنيش
يا يسوع من غيرك ماعرفتش
وعندى فى نفسى مانفعنيش


أنا لوحدى حياتى ضياع
وكل أمل يصبر ضاع
يا أرجعلك يا أفضل في مشاكلى
انت اللى هتعدل الأوضاع


أنا اتعلمت من غلطتى
وخطيتى كان اعتمادى على قوتى
كل اللى اخترته لنفسى
ماكانش نهايته نجاح


أنا جايب شلتى وسيبتلك سلمتلك
خلاص يارب أنا رجعتلك
شيل جرحى اللى معلم فيا
أنا نفسى ارتاح



خريطة الموقع