كلمات ترنيمة : سامع عنك

سامع عنك انك
شافي الجروح
وبسمع انك اشتياق لكل روح
بيقولوا عليك انك انت الطريق
اللي نهايته نهاية كل ضيق


وبحب اسمع يا ربي كلام اكتر عنك
علشان شعور جوايا بيخليني اصدق
انك فعلا حقيقي وان الصفات دي فيك
لكن بحس اني مش عارف احس بيك
بسمع عن جمال حضورك في المكان
حبك قادر يملا ويفيض في كل انسان
طب قوللي ليه انت مش في قلبي
ولا ده يا ربي ضعف مني
نفسي لما اجي اصلي اسمع صوتك بتكلمني


علمنى فى صلاتى عنيا تكون عليك
وادخل فى عمق معاك وانمو فى حبى ليك
وانسى ذاتى وانشغالاتى ويقوى ايمانى بيك
عارف ماستحقش لكن رجائى فيك
اصل اللي حبه ورحمته قادرين يملو الكون بحاله
ويوصل حبه للصليب عشان حبيبه ويموت بداله
الله اللى لذته فى آدم اللى خلقه باديه
قادر انه يقبل صلاته ويسامحه ويرده ليه



خريطة الموقع