كلمات ترنيمة : سايبها عليك ومطمن

⁽¹⁾ يارب انت الغني
وغانيني من خيرك
متخلينيش احتاج
انا ليا مين غيرك


انت السند والاب
قلبك مليان بالحب
رفيقي طول الدرب
وانا غرقان في خيرك


^(ق) سايبها عليك ومطمن
مستقبلي كله متأمن
في ايدك انت يا قدير


ماسكني يا رب بيمينك
شايلني وحاططني في عينك
ولا هاخاف انا من الشرير


⁽²⁾ انا عايش حياتي معاك
ولا هاتسيبني ولا هنساك
دا كل حياتي في ايدك


عمري كله ملك ليك
ثقتي واتكالي عليك
حبيبي وانا حبيبك


⁽³⁾ بيك انا غالب كل جراح
ومعاك وحدك انا مرتاح
يا حمايتي وطوق النجاة


فيك راحتي وكل سلامي
ليك حبي وكل ايامي
ووعدك انت انا ما انساه


⁽⁴⁾ بابا وعدك طمني
خير ورحمة تابعيني
ترعاني بطول الايام


عمري كله انت رافعني
وف ضيقاتي تشجعني
سهران ولا عينك بتنام



خريطة الموقع