كلمات ترنيمة : سحابة ذكريات

آية عاشتها الروح
تتأمل في اللي فات
فيها لاقيتني باروح
في سحابة ذكريات


ولقيت وياك
في الرحلة معاك
فيض الإحسان
والرحمة كمان


أيامي اللي مشيتها
بتكلمني عليك
وتقول انك بديتها
وحياتها بين إيديك


أبدا ما اتخليت عني
كنت قريب دايما مني
رغم عيوبي وضعفي لكني
شايف حبك لي آسرني


قبل بداية عمري وسني
كانت لحظة قربك مني
كانت إيدك بتكونني
جنب جروحك كنت راسمني


ولقيت وياك
في الرحلة معاك
فيض الإحسان
والرحمة كمان


كام مرة وكنت باغيب
عن دار الحب واتوه
واشعر وكأني غريب
وكإبن احتاج لأبوه


وصوت يقوللي ناديه
وصوت ياخدني بعيد
وإيد تاخدني إليه
ما هي نفس الإيد


والقى روحي عند الصليب
ولجروحي ألقى الطبيب
والرحلة تعود ماليانة وعود
فيض الإحسان والرحمة كمان


في بكايا وأسايا
ما لقيت إلا انت معايا
بتجيني تواسيني
وجروحك ليَّ عزايا


وألقاك إنسان
داري بيَّ
وإله مليان
حنية


وجروحك ليّ عزايا
وكلامك ليَّ شفايا


أناتي. الاماتي
لو مُرة بالاقي نهاية
في صلاتي وطلباتي
ولا مَرة رفضت ندايا


وألقاك إنسان
داري بي
وإله مليان
حنية


وجروحك لي عزايا
وكلامك ليَّ شفايا


يا يسوع
طول ما انا وياك
في الرحلة معاك
هالقى الإحسان
والرحمة كمان


ياما الشر حاصرني وياما
اتحداني الأشرار
وألقى الشر بيحني الهامة
قدام الجبار


تديني الانتصار
وكأنه ده انتصاري
وترد الإعتبار
وتقولي ده اعتباري


عليت الراية وعلتني
بإيدك يا يسوع
فوق جبل الصعب ومشيتني
واسمك مرفوع


(هللويا)3
يا الهي البار


ولقيت وياك
العز معاك
ويا الإحسان
والرحمة كمان


أيوه فاكر عمري ما انسى
إني عمري ما اتنسيت
جوه قلبك ليَّ مرسى
أصلك انت اللي اشتريت


قلبي ليك. عمري ليك
روحى ليك. نفسي ليك
يا يسوع انت الحكاية
والبداية والنهاية


هافرح وياك
ولحد سماك
هالقى الإحسان
والرحمة كمان


رحلة فيها ذكريات
مكتوبالك ترنيمات
زي ما فيها دمعيات
برضه فيها تعزيات


رحلة فيك. رايحة ليك
رحلة فيك. تحلى بيك


لحظة عمر باعيشها معاك
هي العمر
يكفى حياتي اني اقضي معاك
رحلة عمر


رحلة فيك. رايحة ليك
رحلة فيك. تحلى بيك
يا يسوع انت الحياة
والطريق اللي مشيناه


ولحد سماك
في الرحلة معاك
هالقى الإحسان
والرحمة كمان



خريطة الموقع