كلمات ترنيمة : شكرا علي الرعاية

⁽¹⁾ كانت البداية لما اتقابلت معايا
وعرفتني باسمي وغفرت ليا اثمي
غيرت قلبي فيا وفكتني م الخطية
ونير العبودية حملته أنت عني


^(ق) شكرا ع الرعاية ياربي والحماية
اللي بدأت معايا قصة جود وهنا
قصة أعظم إله أحب للمنتهي
مجموعة م الخطاة وأولهم أنا


⁽²⁾ وبطول الطريق في الرحب أو في الضيق
ماشيلتش عينك عني مامليتش مني
لما كنت اجيلك اقعد معاك واحكيلك
أشكر أو حتى اشكيلك كنت بتسمعني


⁽³⁾ دايما قريب ليا وشاعر باللي فيا
و بتفهم الكلام بحب و اهتمام
التفاصيل الكتيرة صغيرة وكبيرة
مهما كانت بسيطة ليها عندك مكان


⁽⁴⁾ والناس اللي فحياتي وحتى ذكرياتي
أفراحي والأنين دول عندك معروفين
دي كل الأمور الخير مع الشرور
ليهم ميعاد ودور لخير انت عارفه فين



خريطة الموقع