كلمات ترنيمة : شوفك يرد الروح

شوفك؛ يرد الروح، وطلِّتك على نفسي
(في لياليّ)2 دفا الحياة.


نورك. ياخدني أروح. بنعمتك. غُنا قلبي:
(يسوع ليّ)2 حيّ الحياة


عرفت كتير محبين، وحبّيت
ودُقت ما بين قلوب الناس محبات


وشُفت جمال ملا في العين؛ مَلِّيت
وعُدْت بقلب فاضي وكاس؛ مِتفات


لحد ما طلّ فيا الحب
حبك زارني هاداني
مزار لك حلّ في قلبي
وقلت لي: بيتي قوم بات


أنا حابّك أنا عايزك
تكون منزل في عنواني
أجيلك فيه أنا وأبي
نقول عندك: هنا سموات


وأقولك: (غني ألحاني)2
وزيد؛ أزيد سُبحي
غناك الجاي (سماوي)2


مجيد؛ بجود فرحي
بنعمتي فيك مش علشان
عرفت تقولها قدامي: شوفك…



خريطة الموقع