كلمات ترنيمة : طوبي للي

طوبى للي إثمه إتغفر
وخطاياه إتسرت
محفوظ من النار والخطر
والدينونة عبرت


أصبح من أولاد الله
ليه في الابن ضمان وحياة
والروح القدوس جواه
بيعرفه كل ما لله


إتحرر بعد الغفران
وإتبرر عايش في أمان
والشيطان مالوش سلطان
أصله من أولاد الله


كل ما لله أصبح ليه
ولا شيء من الدينونة عليه
والوعد المضمون في إيديه
من البرية لحد سماه


يسقط أيوه لكنه في يوم
الروح يحزن فيه ويلوم
ويرجعه فرحان ويقوم
تتردله بهجته بالله


مرضي عنه في المسيح
متغطي بدم الذبيح
يحلا له الغنى والتسبيح
والتمجيد لاسم الله



خريطة الموقع