كلمات ترنيمة : عارفك مش قادر

⁽¹⁾ عارفك مش قادر تِرتاح
شايف قلبك كله جراح
عُمرك في طريق مظلم راح
تعالَ يسوع عِنده الأفراح


^(ق) تعال إليه وسلِّم ليه
وحُطّ حياتك بين إيديه
ها يِغفر ليك خطايا ماضيك
ويِضمن كل الحاضر فيه


⁽²⁾ وها تفضل عايش تعبان
طول ما عينيك على الإنسان
ليه فكرك شارد حيران
دا يسوع يملا الفكر ضمان


⁽³⁾ ارجع وارمي عالم فاني
مِش ها تفكَّر ترجع تاني
ليه قلبك م الهم يعاني
عمرك ضايع وانت الجاني


⁽⁴⁾ جَرحك مين يقدر يداويه
ذنبك مين يقدر يداريه
ليه خايف تتقدم ليه
حملك إرميه كله عليه



خريطة الموقع