كلمات ترنيمة : عصفورك غرد في الغابة

^(ق) عصفورك غرَّد في الغابة
وفي الليل صحَّى العود وربابة
فايض قلبي نغم وكتابة
(لك يا ربي)3 لأنك بابا


⁽¹⁾ تغنيني أسبح لك وأشكر
في الفقر أتعبّد وأتذكر
إن السبب الأكبر عندي
في عبادتي هو إنك بابا


⁽²⁾ في الدمع بَ اشوفك ليّ أقرّب
وكأن دموعي دي عدسات
ترميني في أحضانك يهرب
حزني ف أول مااصرخ بابا


⁽³⁾ في شفائي باقول إنك تقدر
وف مرضي بَ أغرد لك أكتر
مش فاهم ليه ومش عايز افهم
يكفيني أفهم إنك بابا


⁽⁴⁾ بَ ارتاح لمَّا ب ترتاح فيَّ
واتعب لمَّا بَ اخاف علىَّ
راحتي في راحتك شيء خلاني
أهجر نفسي لحضنك بابا


⁽⁵⁾ بوعودك متعزي كأني
ماسك في الوعد استجابات
فرحي بوعدك ساوى إجابتك
أصل إيماني ف كلمة بابا


⁽⁶⁾ الناس شايفة الناس م الخارج
اما الداخل مكشوف عندك
الخارج يفنى وأنا اتبارك
جوه ف روحي بروحك بابا


⁽⁷⁾ المنظور بيقول دي رحاية
والإيمان بيقول يا عزايا
بكره مروَّح بلدي وبيتي
وهَأسكن مع يسوعي في بابا



خريطة الموقع