كلمات ترنيمة : علي العموم

ع العموم
كنت حابب بس أقولك
إنك أطيب من اللزوم
وإني قاسي وعمري فعلًا


ما أستحق الحب يوم
وإن حُبي مهما ينقص
حُبك إنت أكيد يدوم


ع العموم
كان ناقصني حاجات كتيرة
وإنت جيت كمِّلتها
حتى وقت الضيقه دايمًا


كنت حاضر وقتها
رغم بُعدي قابلت حُبك
لمسة عمري ما عشتها.


ع العموم
كنت حابب أقول سامحني
إن حضنك بعدت عنه


وأشكرك على كل جرح
بقلبي خفت عليَّ منه


ع العموم
إنت ايدك لينا مشفى
تشفي كل المجروحين.
لمسة منك واحدة يصفى


أي قلب بعيد حزين
إنت لحظة فى عمري فارقة
قلبي ضيَّعها لسنين


ع العموم
بعد لما حكيت شوية
حاسس إني بقيت بخير
كنت شايل جوه قلبي


حمل صعب وكان كبير
ولينا قعدة أكيد تاني
فيها نتكلم كتير


ع العموم
كنت حابب أقول سامحني
إن حضنك بعدت عنه


و أشكرك على كل جرح
بقلبي خفت عليَّ منه



خريطة الموقع