كلمات ترنيمة : عندك حق

^(ق) عندك حق وقصدك خير
للبائس فى وسط الضيق
برج حصين ملجأ م السيل
دى حقايق من غير تلفيق


⁽¹⁾ ما انت أمين وما بتسمحشى
بالتجربة غير لو للخير
عارفينك ما بتستحملشى
تشوف أولادك تحت النير


⁽²⁾ اسمك وحدك برج العابد
يركض إليك الصِدِّيق
على صخرك أنا هافضل ثابت
وعدك مضمون التحقيق


⁽³⁾ فى وسطنا قائم جبّار
تحمى ولادك ليل ونهار
وجهك يُشرق بالأنوار
وتفجّر كل الأنهار


⁽⁴⁾ نَزِّلت المرتفعين
ورَفَعت المتضعين
أشبعت الجياع خيرات
وصرفت الأغنيا فارغين


⁽⁵⁾ إنت الرب القاضى العادل
وحدك فى إيديك السلطان
وقضيب ملكك استقامة
عرشك فوق كل الأكوان


⁽⁶⁾ قالوا عنك: حجر امتحان
وطوباه اللى يآمن بيك
مِتأَسِّس تِدى الأمان
ولا يوم يِخزى مُنتظريك


⁽⁷⁾ مرة تشُق قصادنا البحرْ
مرة تكون وسطنا ف النار
أحكامك أبعد م الفحصْ
طُرقك عارفينها الأبرار



خريطة الموقع