كلمات ترنيمة : غالي عليك

^(ق) (غالي عليك
ربي أنا
غالي عليك)2


وغلاوتي مش فيَّ دي محبتك ليَّ
حطيتني جوا قلبك
وشيلتني في عينيك
غالي عليك


⁽¹⁾ رغم إني قليل في عيني
وضعيف قدام أي خطيه
وشعوري بالذنب ماليني
وحياتي فاتره ومطفيه


(والماضي عمال يطاردني
والناس حواليَّ بتبغضني)2


وما فيش حاجه تسر القلب
لكن ثقتي في حبك ليا
دا انا غالي عليك


⁽²⁾ رغم إني عاهدتك أرجع لك
لكني ما عدتش أنفع لك
ده ما في شئ صالح فيَّ
ومؤكد في جهنم هاهلك


(لا اديتك فرصه تكلمني
ولا في ظروفي الصعبه هاممني)2


مع إن الموت قرب مني
كان هايخدني ويقضي علي
دا انا غالي عليك


⁽³⁾ لكن صوتك جه وفوقني
والليله أنا راجع صدقني
لحظه تاني بدونك لا
تعال لي ومن شري اعتقني


(اخلق فيَّ قلب جديد
وارمي الماضي عني بعيد)2


أنا م الليله واحد تاني
والجاي معاك فرحه وعيد
دا انا غالي عليك



خريطة الموقع