كلمات ترنيمة : غني وكمل ترحالك

^(ق) (غَنِّي غَنِّي غَنِّي
غَنِّي وكمِّل ترحالك
وإن طالت قول أعنِّي
وهو مكمِّل مشوارك)2


⁽¹⁾ (لما تزيد الهموم
جواك عز الإله
اتشدد بيه وقوم
خطي لبكره معاه)2


(مش دي النهاية ..غني
إنت الحكاية ..غَنِّي)2
غَنِّي وفرَّح أنغامك


⁽²⁾ (اللي شايفاه عينيك
مش هو كل شيء
النور جاي بيناديك
ماتخافش معاك صديق)2


(يفتح طريق ..غَنِّي
ويعدي بيك ..غَنِّي)2
غَنِّي وغيَّر ألحانك


⁽³⁾ (ماتصدقش انكسار
يمنع فيك الحياة
ولا يوم ييجي انتصار
مابتسبقهوش الآه)2


(لا لانهيار ..غَنِّي
جاي النهار ..غَنِّي)2
ارفع نغمة أوتارك


⁽⁴⁾ (مهما الليل جه بسواد
مخزون فيك الرجاء
والفجر له معاد
مسكون إنت بضياه)2


(بالكلمة فيك ..غَنِّي
بسلامه ليك ..غَنِّي)2
عليِّ في نغمة إيمانك



خريطة الموقع