كلمات ترنيمة : فخور انا بيه

⁽¹⁾ فخور انا بيه
حبيبي ومُستحيل
أبدًا أفَرَّط فيه


ده بَر نجاة ف دوامتي
طريق وحياة وبيه قيامتي
وبا افتخر انِّي مُنتَمِي لِيه


^(ق) قولوا لي حبيبك اسمه إيه
ومن غير حتى ما تقولوا
أحِب انِّي أحَكِّي عليه


حبيبي واسمه ده الموضوع
شرف ليَّ ان انا أنوله
إن حبيبي يبقى
يسوع


⁽²⁾ ما بين الناس
مافيش تحت السما
غير اسمه يِدِّي خلاص


لأني عرفته وتَبَعته
سلام في كل يوم باعته
قُصاده الدنيا دي تتداس


⁽³⁾ أبيعه بكام؟!
ده أغلى عليَّ من روحي
أبيعُه بكام؟!


ده فوق الكل ده القادر
وحُبُّه عجيب وشيء نادر
ما يوصفشي حبيبي كلام



خريطة الموقع