كلمات ترنيمة : فردت أيديك

فردت أيديك اديتني كتير قلت لي مخازني كلها ليك


فتحت بيبان السما يا قدير قلت لي يا ابني الخير في إيديك


وهبت لي قلب كبير قلت لي اسكن فيه وحديك


دايما شاغلك في التفكير نقشت اسمي على كفيك


كل دي نعم اديتهالي ولسه كما ياما بتدي


كل دي نعم بين إيدي وأنا دايما باخد مش بادي


لامتى هايبقى ده طبعي ودايما بافرد ليك يدي


وأرجع أخونك ربي بذنبي وأنسى يوم ما اديتك وعدي


ياما زرعت في قلبي محبة لكن قلبي قاسي وعنيد


كل ما ترمي فيه الحبة بيرفض يبقى زرع جديد


أرض قلبي قاسية صلبة وعايزة فاس من حديد


أصل أرض قلبي صعبة وإنت الزارع الوحيد


عيد تاني الزرع في علشان قلبي يرجع ويلين


ارمي بذور النعمة في يمكن تزيد في غرس التين


وأكيد راح أوصل للمياه بعد ما كنت في يوم تلاتين


وأرجع تاني أرضي حية تطرح حب ويا حنين



خريطة الموقع