كلمات ترنيمة : في السكه الصح

في السكة الصح أكيد هامشي
مش هتمرجح شمال ويمين


مايهمش نايم متعشِّي
مش فارقة رفيع ولا تخين


اصل الموضوع اكبر بكتير
من أكل ولعب ولبس خطير


انا ربي خالقني لرسالة
عايش ليها طول السنين


في السكة الصح أكيد هامشي
واللي معايا يسوع البار


هو حياتي وهو الحق
هو طريقي لما احتار


ومرتب سكتي مظبوط
وبيرشدني في المشوار


هو اله الكون الغالب
ولغيره انا مش هاختار


في السكة الصح أكيد هاجري
مش باصص ورا رغم الأخطار


دا قراري وواخده من بدري
مش فاضي لعناوين الاخبار


هاتشنكِل واتكعبل ممكن
وهاقف من تاني ومش هاركِن


حواليَّ صحابي بنتشجَّع
ماشيين كلنا ضد التيار


في السكة الصح أكيد هامشي
واللي معايا يسوع البار


هو حياتي وهو الحق
هو طريقي لما احتار


ومرتب سكتي مظبوط
وبيرشدني في المشوار


هو اله الكون الغالب
ولغيره انا مش هاختار


في السكة الصح اكيد هاوصل
لمكاني الأبدي عند يسوع


رايح للسما مهما هايحصل
من بعد تعب وألم ودموع


هاسمعه بيقول يابني براڤو
كمَّلت طريقي واهدافه


في قليلك كنت امين ومطيع
ادخل لفرح سيدك ياللا


في السكة الصح أكيد هامشي
واللي معايا يسوع البار


هو حياتي وهو الحق
هو طريقي لما احتار


ومرتب سكتي مظبوط
وبيرشدني في المشوار


هو اله الكون الغالب
ولغيره انا مش هاختار



خريطة الموقع