كلمات ترنيمة : في الطريق الكرب

في الطريق الكرب ماشي
سكة الإنجيل وراك
مرة امد ومرة اهدي
ومرة اخطي مع خُطاك


مرة اتعب وابقى باصرخ
من آلامي في الطريق
وقت لما الصخر يسلخ
رجلي والخطوة تضيق


افتكر منظر إيديك
يوم ما غسلت القدم
اتغسل وانظر إليك
امشي تاني رغم الألم


والأصابع الحنونة
اللي مرت باتضاع
لسة لمستها بسخونة
شايلة عنّا غبر الضياع


جهزتني ايديك حمتني
قدستني بالمياه
يا نصيبي شلت عيبي
حتى توبي ابيض آه


ب احني واعفر جبيني
عند رجليك الكريمة
بالسجود والطيب لكوني
عبد وانت اديت له قيمة



خريطة الموقع