كلمات ترنيمة : في المدرسة

⁽¹⁾ في المدرسة الاولاد عايزين يعرفوا حاجه
عايزين يعرفوا ليه انا دايماً فرحان


بيقولوا دايماً بتقابلنا بابتسامة
وكإن قلبك كله مليان اطمئنان


^(ق) باقولهم ياولاد السر في قلبي جوه
سر المحبة اللي بتجمعني انا وهو


ربي يسوع مش ممكن يوصفه الكلام
هو الفادي اللي مالي قلبي بسلام


⁽²⁾ في المدرسة لو حد من الأولاد زعلني
أروح مسامحه حتى لو هو الغلطان


وصحابي يقولوا لي عن حقك ليه تتنازل
وف كل مرة تطلع ليه إنت الخسران


⁽³⁾ في المدرسة بروح أساعد كل اصحابي
لو فيهم واحد كان تعبان ولا زعلان


والناس يقولوا ليه تتعب نفسك ع الفاضي
ليه تشغل بالك مع فلان ولا علان؟


⁽⁴⁾ في المدرسة مسمحش لحد يغش مني
وأنا مارضاش بالغش لنفسي مهما كان


وأقول لصحابي إيه الفايده لو نجحنا،
واحنا بالروح ساقطين في أكبر امتحان؟!



خريطة الموقع