كلمات ترنيمة : في فجر يوم الاحد

⁽¹⁾ (في فجر يوم الأحد
راحت المجدلية
علي قبر الفادي الحبيب
واقفة متدارية)2


(قبل ما اتشال الحجر
قام الفادي وانتصر)2


^(ق) (بالحقيقة قام
قام الرب قام)2


⁽²⁾ (القبر بقي كله نور
والحراس وقعوا علي طول
والملاك هتف وقال
قام يسوع زي ما قال)2


(حاجة تحير الأذهان
قبر فاضي وفيه أكفان)2


⁽³⁾ (لمحت مريم إنسان
مش عارفة إنه الديان
واقفة تبكي بالدموع
وبتسأل علي يسوع)2


(ظنته البستاني
سألته عليه من تاني)2
بصوته الحنون
(نادي وقال يا مريم)2


⁽⁴⁾ (ظهر الرب للتلاميذ
لما كانوا مجتمعين
قافلين الباب وخايفين
من اليهود الغادرين)2


(وقف يسوع وسطهم
وقال سلام لكم)2



خريطة الموقع