كلمات ترنيمة : قابل بكل الرضا

⁽¹⁾ قابل بكل الرضا دنيتي
وده هو اختياري ودي حريتي
وأي شيء مش بيدي فيها اتوجد
هَ اخطيه أو أحتويه في خطتي!


^(ق) عظمة حياتي كلها في اختيار
التعلق ب إلهي العظيم
أرفع إيديَّ إليه وأختار
أفعالي على نغمة: «عظيم»!!


⁽²⁾ حريتي لا ف مكان ولا زمن
ولا هي من حد كان أو ظروف
هي رحبي وجناحي ناحية وطن
إن حررتها بعبوري كَ ضيف!


⁽³⁾ غيرت اللي قدرت اغيّرُه
وقبلت اللي استعصى فَ مَرّ!
وف وش اللي ما في يدي أمَرَّرُه !
إخترت مُرّ الهدوء لأني (حُرّ)!!


⁽⁴⁾ من رحم المعاناة بَ انطلق
أيوه أنا وليد العقبات!!
وياما الجراح فيَّ شقت طرق
انطلقت فيها من خنقة الذات



خريطة الموقع