كلمات ترنيمة : قبل ما أروح أصلي

قبل ما أروح أصلي
قلبي سبقني إليك
ولقيت الروح بتصلي
والنفس بتهرب ليك


متاخد أيوه أنا مني
برضايا عشان في رضاك
متفرق عني لكني
متجمع عند نداك


لبيت الندا صليت
وفوجئت وأنا في رجوعي
إني نسيت قلبي وجيت
ورجعت وانا من غيري


ولأني ما قدرش أعيش
شيء من الحياة بدوني
والماضي والجاي مافيش
طول ما انا غايب عن كوني


قررت إني أرجع
وأسلمك باقيتي
وعشان أكون أوقع
إنقل لي عندك بيتي


إنده على كلي
واجمعني ليك واسكني
أصبح بدون ضلي
وجهي لوجه الله



خريطة الموقع