كلمات ترنيمة : قلبك قبل البيت مفتوح

^(ق) قلبك قبل البيت مفتوح
مستنيني ارجع من تاني
واستقبالك رد الروح
احيا في كل كياني


⁽¹⁾ لما بجيلك بعد بعاد
طال وزاد فيه العناد
القاك واقف مستنيني
وتقول ابني الغايب عاد


⁽²⁾ لما بجيلك وانا ندمان
ع اللي عملته واقول غلطان
تحضني وتطيب خاطري
وتقول يابني انسى زمان


⁽³⁾ لما بجيلك وانا مكسور
محني وعيني عليها قشور
تجري عليا تسند فيا
وتقبلني بكل سرور


⁽⁴⁾ خدتني يابا للبيت تاني
وعملت وليمة واغاني
حله جديدة خاتم في ايديا
الفرحة ياناس مش سيعاني


⁽⁵⁾ اسف اسف كنت اناني
ضيعت الغالي بالفاني
لكن راجع تايب ليك
غلطة ومش هاتتكرر تاني



خريطة الموقع