كلمات ترنيمة : قلبي بيحبك

^(ق) (قلبي بيحبك) 2
همه الأول يجري
ويقعد يشبع من ظلك


(قلبي بيحبك) 2
قايم هايم يسأل عنك
أصله بيميل لك


ده محببني فيك
طول صبرك وأناتك


ونعمة شفتيك
وحلاوة كلماتك


بأستسلم في ايديك
(وشفاعة صلواتك)2


⁽¹⁾ يا غاسل أثامي
بالدم المسفوك


وإتألمت الامي
في جلدات وفي شوك


بيك سمنت عظامي
(وصرت ليك مملوك)2


⁽²⁾ كثرة رحمتك
ملهاش اول ولا آخر


وحساب نعمتك
بالجود دايما زاخر


أسراني محبتك
(وأنا بيها بأتفاخر)2


⁽³⁾ يا مؤتي الأغاني
في القلب السهران


واللي ليك مستني
ولشخصك جوعان


فأعن لي إيماني
(قلبي ليك عطشان)2


⁽⁴⁾ جاي انا باهديلك
حمد وشكر ليك


واعترف بجميلك
واقبل قدميك


وبصوتي أغنيلك
(قلبي مأسور بيك)2



خريطة الموقع