كلمات ترنيمة : كاملين عايز كل ولادك يكونوا كاملين

^(ق) (كاملين كاملين
عايز كل ولادك يكونوا كاملين
ومين غيرك مين كمال السائرين
وساند من أرادك علي درب الجادين)2


⁽¹⁾ زي ما قلت زمان لأبونا ابراهيم
سر أمامي وكن كن من الكاملين
قل لنفسي الآن كلمة فيَّ تُقيم
(وتخليني أكون)2
(من المُكَمَّلين)2


⁽²⁾ ياواهب الإيمان بالنعمة الغنية
وطالب إنه يبان بأعمال قديسين
نحوك عيني الآن اجذبني وسير بيّ (وكَمِّل فيّ كيان)2
(مَقْدِس لك.آمين)


⁽³⁾ عايز أكون لك ربي
زي ما عايزني أكون
ماشي بقوة روحك إخلاء التاركين
واهب عمري وقلبي لك وحدك


وتكون
(أنت كمالي بحبك)2
(ياشِبَع الزاهدين)2


⁽⁴⁾ اخترتني ياعليم بالنقص اللي فيّ
عشان أختار أمشيلك
درب المُتَكِلين
وحَمَلتني يا رحيم وحَمِّلتني بوصية


(أتممها فأكون لك)2
(منزل فيه تقيم)2


⁽⁵⁾ مالنا أب سواك
ومالنا كمال غير يسوع
درب ومثال وهدف المسيحين
نتكمل برضاك وفي المحبة نصير


(برباط الكمال)2
(بك فيه متحدين)2


⁽⁶⁾ أنسي ما وراء أمتد لقدام
مع المتدرجين علي نهج الطائعين
يامعين الضعفاء وغافر الآثام


(ياسند المرتحلين)2
(كملني آمين)2


⁽⁷⁾ ننمو بلا قياس إلي قياس قامة
ملء الرب يسوع نبع الممتلئين
وراية الخلاص تصبح فوقنا علامة


(وفَرَحُه يكون مطبوع)2
(ويكمَل في الفرحين)2



خريطة الموقع