كلمات ترنيمة : كان درس ايمان

⁽¹⁾ كان درس إيمان من سفر يونان والطاعة كانت ليه عنوان
في سفينة وبحر وبرّ كمان الكل بطاعته كان فرحان


والله يهمس ليونان ما فضلش غير الإنسان
لو يسمع ربي كلامك طول العمر يعيش فرحان


^(ق) علِّمني أسمع لكلامك، وأطاوعك يا حنَّان
وإن مافهمتش أحكامك أخضع لك بالإيمان


أحكامك حق أكيد وطاعتها بركة تزيد
مكشوفة ليك أيامي وقصدك فرحي بالتأكيد


⁽²⁾ الريح اشتدِّت هبِّت هدت سمعت طاوعت أمر الله
والبحر أمواجه هاجوا وماجوا أصل هياجُه ده ليه معناه


والقُرعة نادت ليونان مفضلش غير الإنسان
لو يسمع ربي كلامك طول العمر يعيش فرحان


⁽³⁾ مع إنه كان القاع مليان أسماك ألوان وقروش وحيتان
حوت واحد كان مشغول دريان برسالته كان مستني يونان


نفِّذ دوره بإتقان مفضلش غير الإنسان
لو يسمع ربي كلامك طول العمر يعيش فرحان


⁽⁴⁾ يقطينة هدية ودودة شقية وريح شرقية ولسعة شمس
بالأمر تعدّي ودورها تؤدي تعلِّم تدّي يونان الدرس


والطاعة كانت عنوان مفضلش غير الإنسان
لو يسمع ربي كلامك طول العمر يعيش فرحان



خريطة الموقع