كلمات ترنيمة : كان صاحبي أسمه سمعان

كان صاحبي أسمه سمعان كان مره قاعد زعلان


كان زعلان عشان الشبكه فاضيه من غير ولا سمكه


جاله يسوع ومعاه الناس عايزين يسمعوا كلامه


دخل في السفينه شويه لجوه والناس قدامه


كلمهم بكلامه الحلو علمهم عن أحلى حياه


قعدوا معاه وقت طويل ما القاعده حلوه وياه


قال يسوع يا سمعان أدخل بالسفينه لجوه


أرمي الشبكه عشان تصطاد يلا خلي عندك همه


يا معلم مفيش فايده طول الليل أنا كنت باعافر


يظهر إن البحر فاضي أو السمك يمكن مسافر


لكن علشان انت قلت أنا هارمي الشبكه وهاغامر


حبه حبه شد الشبكه هي ملها تقيله كده


تكنش أصطادت أيوه أصطادت سمك كتير ملهوش عدد


يا صحابي تعالوا ساعدونا سفينه واحده مش هتكفي


سمك كتير بعته يسوع أصله لما بيوعد يوفي



خريطة الموقع