كلمات ترنيمة : كل ما أحس

يا أوفى قلب يحبني ويخاف علي


كل ما أحس إن أنا وحداني وألقى همومي بعيد وخداني


كل ما ضعفي يقرب مني وألقى إيديك م الخوف شداني


بألجأ إليك وأتحامي فيك وبحب أب تمد إيد وتاخدني ليك


ألقى الأمان وأنسى اللي كان وأنهض وأقوم ناسي الهموم إيدي في إيديك


إيديك يا رب أحن تمسك إيدي


في وسط عتمة الحياة إنت اللي لي


لو مرة تهت وسبت مكاني وفشلت إني أرجع لك تاني


صوتك يردني ويفكرني إن إنت حضنك كان عنواني


أنهض وأفوق وأرجع بشوق وبعد خزيي وعاري ترفع راسي فوق


أفضل معاك ستري في حماك وبعد ظلمة قلبي يدخل لي الشروق


لما الأنين يبتدي يملاني وهموم وخوف مالي كياني


إيديك بتنزع كسرتي مني وتداوي كل جروح في ثواني


ما إنت الطبيب وإنت الحبيب لو كله سابني وكله باع ألقاك قريب


قلبك كبير خيرك كتير وأسرني بيك يا إلهي بالحب العجيب



خريطة الموقع