كلمات ترنيمة : كل مره بشوف ايديك

^(ق) كل مره باشوف ايديك
قوية و قديرة
سلطانك ملهوش حدود
وحلولك كتيرة


⁽¹⁾ مره تمشيني علي الميه
وعينيا عليك
وان عليت الموجه عليا
تمسكني ايديك


⁽²⁾ مره تشق قصادي البحر
وعلي ارضه تمشيني
و فرعون ومركباته
يغرق وتعديني


⁽³⁾ مره تمشيني في النار
والآقيك عن يميني
ونبوخذ نصر يحتار
ازاي بتنجيني


⁽⁴⁾ مره قولت انك نايم
في سفينة الحياه
رد البحر وريحه العاصف
دا هو الإله


⁽⁵⁾ مره تسد بدهنت زيت
ديون السنين
ومليت كل فراغ ف البيت
وفي خيرك عايشين


⁽⁶⁾ مره ابليس يشهد انك
مسيج حواليا
وحوالين كل ما املك
وكل ما ليا


⁽⁷⁾ مره لقيتك مستنيني
ف جب الأسود
وسديت كل الافواه
وانا لسه موجود



خريطة الموقع