كلمات ترنيمة : كل يوم بيعدي بقول

⁽¹⁾ كل يوم بيعدي
باقول انا بس ليك
وحياتي هاتشهد عنك
وعينيَّ هاتبقى عليك


وآجي وابص لنفسي
واشوف انسان أناني
قلبي مش ملك ليك
اديته لحد تاني


^(ق) باحبك يا يسوع
خليني اعيش أمين
بحبك يا يسوع
انا ليك طول السنين


عايز اقول اني باحبك
قلبي بيهتف باحبك
باحبك يا يسوع


⁽²⁾ مرات كتيرة باعيش
وبانسى اني ابنك
وامشي ورا اوهام
في الدنيا تاخدني منك


ما لقيتش اللي يكفيني
واللي يخاليني سعيد
لأني ف بعدي عنك
كنت باعيش وحيد


⁽³⁾ اقبلني يا رب بضعفي
مين ها يغيرني غيرك
اقبلني يا رب بحيرتي
واملاني كمان من خيرك


ومهما ان عشت تايه
هآجي وارجعلك تاني
وحتي ان صاح الديك
انا هاشهد عن اللي فداني



خريطة الموقع