كلمات ترنيمة : كنت جاى احكى

⁽¹⁾ اول مره اكون جايلك
عشان اقعد براحتي معاك
واقولك على اللي جوايا
وافضفض بالكلام وياك


والاقي نفسي مش بانطق
ومش عارف اقولك ايه
ماقولتش كلمتين على بعض
ومعرفش الكلام راح فين


ومن ساعه ماجيت ساكت
وبدل الساعه فاتوا اتنين
وكل ماقول هاقول مبقولش
ومش عارف انا ساكت ليه


^(ق) يارب انا كنت جاي احكي
لكن فجاءه لقيتني بكيت
فسبت الدمع يتكلم
وقولت اكيد اكيد حسيت


عشان عارفك بتفهمني
ومش محتاجنى اقول حكايات
بصراحه الدمع ريحني
ووفر من كلامي كتير


وطلع خنقتي مني
وتعبي وحيره التفكير
كأني حكيت معاك بالظبط
بس حكيت بدون كلمات


⁽²⁾ مفيش فالدنيا شئ
احسن من القعده معاك
يا يسوع سواء قلت اللي جوايا
كلام او حتى قولته دموع


ما دايماً اخره القاعده
معاك اني بكون مرتاح
خساره افضل كده بيني
وبين نفسي حزين محتار


ده انا لو قايده نار فيا
قعادي معاك هيطفي النار
ولو شفت انها اتقفلت
اكيد انت معاك مفتاح



خريطة الموقع