كلمات ترنيمة : لا مش مستحيل

⁽¹⁾ لا مش مستحيل حملي التقيل
من فوق كتافي يترمي
لا مش مستحيل قلبي العليل
من كل همه يتشفي


^(ق) انا هتكل عليك وهفكر دايما فيك
مش هعتمد علي فهمي انا هنظر اليك


المنطق بين ايديك ولا يستحيل عليك
ما هو اصل كل شيء ياربي منك وبيك


⁽²⁾ لا مش مستحيل احيا بأمان
وسط زمان الاضطراب
لا مش مستحيل كل الكيان
يتصلح رغم الخراب


⁽³⁾ لا مش مستحيل وانا مش كبير
اقدر اكمل خطوتي
لا مش مستحيل مع القدير
للعمق تدخل خدمتي


⁽⁴⁾ لا مش مستحيل امسك في وعده
وكل قصده في المسير
لا مش مستحيل اشبه لصورته
وكل يوم جاري التغيير


⁽⁵⁾ لا مش مستحيل بكلامه الهج
واتروي في حر النهار
لا مش مستحيل ليسوعي اشهد
وانا في لوعة الانتظار



خريطة الموقع