كلمات ترنيمة : لما العدو يكدرك

لما العدو يكدرك
ويبات يقول ويفكرك
ويملا بالأحزان عينيك
ويشككك ويحيرك


قوله السنين يمكن شداد
يمكن صحيح كلها الجراد
لكن إلهى الحى يقدر
يملاها بالأعياد


يا متعبين تحت الحمول
عنده الضمان حملك يزول
وان كنت واقع فى ليل مواجع
ينور الأيام


يفتح لك البرية طريق
ويطمنك فى زمان الضيق
ويكون قريب ده قلبه طيب
ويحملك بسلام


لو كنت تعبان م اللى فات
أو حتى مليان ذكريات
لو بسمة الأفراح فى يوم
اتبدلت بسكات


قوله بيك هاقدر أعيش
قوله اللى فات مايهمنيش
وإن فى يوم زلت خطايا
رحمتك مابتنتهيش


يا متعبين تحت الحمول
عنده الضمان حملك يزول
وان كنت واقع فى ليل مواجع
ينور الأيام


يفتح لك البرية طريق
ويطمنك فى زمان الضيق
ويكون قريب ده قلبه طيب
ويحملك بسلام


يللى واقع فى الطريق
فى الحياة زى الغريق
يللى بتعاتب وتبكى
يللى خسران كل شىء


وعد اللى مات عنك وقال
عوض الرماد هاديك جمال
وإن كنت مليان بالخطايا
مش هاتركك ده من المحال


يا متعبين تحت الحمول
عنده الضمان حملك يزول
وان كنت واقع فى ليل مواجع
ينور الأيام


يفتح لك البرية طريق
ويطمنك فى زمان الضيق
ويكون قريب ده قلبه طيب
ويحملك بسلام



خريطة الموقع