كلمات ترنيمة : لما بكون مضغوط

⁽¹⁾ لما باكون مضغوط بصرخ لكن من غير صوت
حاسس كل ما لحظة تعدي في عمري باموت


مُحبط أو يأسان ولا أنا مش حاسس بأمان
ولا القلب ضعيف ومجرّح من الاحزان


^(ق) باقفل بابي عليّ وأقف قدامك وأنا مكسور
ساكت مش قادر أتكلم بس دموعي بحور


وألقي في عينك دمعة تشارك حزني وألمي وخوفي
من غيرك يايسوع في الدنيا حاسس بظروفي


⁽²⁾ لما بكون واخد علي خاطري ومنك أنا زعلان
شايف ساكت رغم إن أنا بابكي وتعبان


وأجي وأقول ماهو سامع وشايفني
وأنا هنا باتألم
ليه واقف تتفرج بس يارب إتكلم


⁽³⁾ إيه اللي يكفيني غير إنك حاسس بأنيني
وإن بإيدك تيجي وتمسح دمع العين


هافهم أنا بعدين يمكن بعد سنين وسنين
ليه خلتني أعدي بكل وجع وأنين


⁽⁴⁾ وأقفل بابي عليّ وأقف قدامك وأنا خجلان
واثق إنك صالح دايما وعايزني فرحان


وأبقي فخور وأنا باهتف
عارف أنا صدقت في مين
لو يرموني في وسط النار أنا ليّ مُعين



خريطة الموقع