كلمات ترنيمة : لو كل الناس حواليا

⁽¹⁾ لو كل الناس حواليا
أعمالهم ما بترضيك
راح أعيشلك مية المية
لو راح تسندنى ايديك


ارفض أعمال الظلمة
وأقاوم كل الشر
أهرب من فخ الشهوة
وأجرى ع الخير والبر


^(ق) خلينى أحبك جدا
وامشى ضد التيار
وحياتى تنور فعلا
وأطيعك ليل ونهار


⁽²⁾ حقك راح يملأ حياتى
والكذب ملهوش مكان
ووعودك تبقى نجاتى
مش هنظر ع الإنسان


وحياتى تفضل ملكك
جنة مليانة ثمار
ديما محفوظة لشخصك
تروى زى الأنهار



خريطة الموقع