كلمات ترنيمة : لولا النعمة ما كنت أشوفك

^(ق) لولا النعمة ما كنت أشوفك
ولا كان ليا مكان فى سماك
أنا مديون لك ربى بعمرى
يا اللى فديتنى بسفك دماك


⁽¹⁾ ما انساش أصلى كنت انا عاصى
طول أيامى وكلى معاصى
ضربة طرية فى كل كيانى
من رجليا لهامة راسى


⁽²⁾ ياما حاولت وكنت باحاول
أجد الراحة ما كنتش طايل
عشت فى وهم سنين خدعتنى
شهوة عينى في عالم زايل


⁽³⁾ نعمة غنية أتجهت ليَّ
فكِّت نفسى من العبودية
لما نادانى يسوع ودعانى
فى الحال قلبى تغير فيَّ


⁽⁴⁾ نعمة تكفى طول الرحلة
من بدايتها لحد لقاك
ماشية معايا بكل عناية
لحد ما تجى تاخدنى معاك



خريطة الموقع