كلمات ترنيمة : ليه

⁽¹⁾ صبرت كتير ومقدرتش
نده تك وانت مجاوبتش
كانك ربي ما سمعتش
حاسس انك أنت بعيد


يمر الوقت ويعدي
كانى فى معركة لوحدي
وأمتة تشيل بقا عنى
يارب فى ايديك المواعيد


^(ق) انا معرفتش أعمل أيه
غير انى أبكى وأقولك ليه
سؤال نفسي تجاوبنى عليه
!! متسبنيش دانا أبنك


فى صوت بيقولى ده سايبنى
وخايف ضعفي يغلبني
ونفسي تخوني وتاخدني
فى دوامة بعيد عنك


⁽²⁾ حبايبى مشيو فارقونى
لضلمة وحدتى سابونى
وأمتة تجفى يا عيونى
ده مهما هتبكي مش راجعين


وهما الدنيا وما فيها
وتعبت نفسي بعديها
وأنت أقرب قريب ليها
مليش غيرك يارب مُعين


⁽³⁾ وبعدت تانى أحلامى
ويأسي رجعلي من تانى
بيبان مقفولة قدامى
يارب فى ايديك المفتاح


وليه متنقلش جبل يأسي
وتعلي على الظروف نفسي
وليه تسبنى لأنين قلبي
وانت معاك رضا وأفراح


⁽⁴⁾ كفاية الظلم يتمادي
ويصبح فى الحياة عادة
دة وجع قلب بزيادة
بيهرب من عنيا النوم


وليه ساكت على حقى
وليه راضى بوجع قلبي
يا ضابط الكل ريحنى
أنا مليت أبات مظلوم


⁽⁵⁾ حاجات حصلت بدون تفسير
يارب يا صاحب التدبير
تعبت من كتر التفكير
وموصلتش لولا حاجة


وليه تسبنى فى فكري غريق
وليه بتسكت فى زمن الضيق
ونت أقرب حبيب وصديق
وليك النفس محتاجة



خريطة الموقع