كلمات ترنيمة : ما بتحلاش

^(ق) ما بتحلاش غير لما نعيشها
في رضاك وف حبك وف ضلك
ومايهونهاش غيرك فيها
وانت شايلنا كأب ف حضنك


⁽¹⁾ وماشفناش فيها ضيقة امتدت
إلا وكان لها حدّ وآخر
تضيق ولحظة نقول فَرِجت
لما تقول للضيق إتاخر
وبتفرح بسلامة بعبدك


⁽²⁾ وماشفناش فيها حد يخصك
واتخليت عنه ف أزماته
ولا أولاده احتاجوا لغيرك
بل أغنيت غيره بخيراته
والناس شهدت فيه لأمانتك


⁽³⁾ وماشفناش العتمة بتقعد
فوق وقتها علشان متحدد
وحتى الظلم إن كان متسيد
يهرب قدام وجه السيد
لما تقول يتبدد خصمك


⁽⁴⁾ وما شفنا الشرير اتباهى
وعلا ف صوته وإيده علاها
إلا وراح بشروره إياها
وإترد في ليلة وضحاها
شره عليه وخيرك على شعبك


⁽⁵⁾ وماشفناش فيها استقرار
ولا راحة ولا حتى ديار
اشتقنا لك والمشوار
طوّل والأيام دي كتار
إسندنا وصبرنا بقربك



خريطة الموقع