كلمات ترنيمة : ما لم تراه عيون

^(ق) ما لم تراه عيون
ولا سمعت بيه آذان
ولا أبدا خطر
على قلوب البشر


⁽¹⁾ يبدأ نوره ضعيف
في القلب كأنه ضيف
نفتح يفتح ويضيف
لما نطيعه إن أمر


⁽²⁾ ذكرنا فذكرناه
وداومنا ع الصلاة
ودي منحة م الإله
تيجي إن العابد صبر


⁽³⁾ العزة والجلال
والرحمة والجمال
في الحضرة والوصال
داقه اللي عدى ونظر


⁽⁴⁾ ارتفعي يا أبواب
ما خلاص شق الحجاب
ندخل على حساب
دم الفادي اللي غفر


⁽⁵⁾ ما أحلى عيون الإيمان
شايفاه بدون عيان
مَ القلب له عرفان
وبصيرة غير البصر


⁽⁶⁾ ينظر لنا الحنون
يسبي منا العيون
سره عند اللي يصون
ونوره لعيون السهر


⁽⁷⁾ والساهر له أصيل
يعلي نوره ب الليل
بالفرح والتهليل
تغنيه لو ليك افتقر


⁽⁸⁾ عرف روحي بالروح
تسكن تفرح وتروح
وياك الكل يروح
وإن شبع القلب انتصر


⁽⁹⁾ شفناك في محبيك
وشفنا بيهم ما لك
ومعاهم رحنا ليك
لما النور فيهم ظهر


⁽¹⁰⁾ النور جوه الكتاب
شايفاه عين اللي تاب
يصبح قلبه كتاب
نورك في سطوره اتبدر


⁽¹¹⁾ حررتنا من القيد
نسجد لك أعظم سيد
وجهك نطلب ونريد
مجدك وانت المنتظر


⁽¹²⁾ مالناش هنا في المنظور
ومالهاش فينا لما تدور
بيننا وما بينها سور
مش بيننا وبين البشر


⁽¹³⁾ يا سيد الأسياد
يا مطلوب العباد
مالنا راحة في بلاد
إليك انت السفر



خريطة الموقع