كلمات ترنيمة : ماشيين عنك تشهد خطاوينا

⁽¹⁾ ماشيين عنك تشهد خطاوينا
والناس دايما راح تسمع بيك
وف وقت الهم تزيد اغانينا
معرفنا خلاص إزاي نرضيك


^(ق) ماشيين للسما وحمولنا عليك
وف وسط الريح تحمينا عنيك
وداوي جروحنا بجرح ايديك
شايفينك حارس حوالينا


⁽²⁾ ماشيين والدنيا تئن ورانا
والقلب اليك دايما ناظر
طلبتنا يزيد حبك جوانا
اصلك شايف ألم الحاضر


⁽³⁾ ماشيين وف وسط الغربة متاعب
ولا ينفعنا إلا التسليم
وإن كان في نهاية الزرع مصاعب
في مجيئنا هنحصدها فترنيم


⁽⁴⁾ ماشيين والرحلة طويلة علينا
علشان بتمر علىها سنين
نهايتها نلاقي عنيك في عنينا
ودي اجمل صورة تشوفها العين



خريطة الموقع