كلمات ترنيمة : مالناش غيرك

^(ق) (مالناش غيرك إنت
إلهنا الحي بنترجاه
جايين ناحية قلبك
بابا الكل امنحنا صلاة)2


⁽¹⁾ رافعين قلوبنا إليك
يا فاتح لنا باب الرحمة
ندخل نقبل إيديك
الممدودة لنا بحياة


⁽²⁾ يا آبانا يامتكلنا
مين غيرك إنت يحن
ومين يجدد آمالنا
لحياة في ملء الرضا


⁽³⁾ إنت الإله إللي قلت
لن يخزى منتظريَّ
منتظرة نفسي ورجوت
بالحمد لك والدعاء


⁽⁴⁾ يا إلهنا حرَّر وحِل
من كل رُبُط الخطية
وامسك إيدين إللي ذل
ولا تنساش إللي تاه


⁽⁵⁾ يا آبانا توّبنا ليك
وفيض علينا بنعمة
تخلّي شوقنا إليك
يليق بحب الإله


⁽⁶⁾ عدي وزور إللي ملّ
أو كلّ تحت المرض
واشفي المطروح وكُلّ
من صدق إنك شِفاه


⁽⁷⁾ عزي المحزون وزيد
منسوب الفرح له
ده مافيش غيرك يعيد
البسمة فوق الشفاه



خريطة الموقع