كلمات ترنيمة : متخافش من بكرة

^(ق) متخَاَفِش من بكره ياولدى ربك زين وحنون وكبير
كام شده وياه بتعدى مهما إن كان الحمل تقيل

متخافش يوم م الأيام
ده إلهك حى وحنان
ياما بكينا بدمع عيونا
يجى بمجده فى ضيقنا يبان


⁽¹⁾ ١- متخافش أبداً إنسان
ولا تجزع ولا تبقى جبان
دا إلهك دخل العُليه
حول كل الخوف لسلام
ولا بيمل ولا بيتأخر
ولا فاتنا فى يوم م الأيام
أفتكر إنه فى عز الشده
حضر أكبر حوت ليونان


⁽²⁾ موجود سامعك وبيظهر
يشفى ويتمجد ويغير
وبيده يقوم ويجبر
ويعوض زمن الحرمان
ماتخافش من شكل الشده
وعدوك من وجهك يهرب
مهما إن ضاقت يوم روح تفرج
والهم يزول والأحزان


⁽³⁾ حط سلامك فيه راح تكسب
والمركب عمرها ما هتغرق
صحي الريس وأوعاك تقلق
لما تشوف الموج حيران
دي الغيمة اللي شايفها بعينك
جاي وراها النور ألوان
غني وسبح طول السكة

دي الدفة في يد القبطان



خريطة الموقع