كلمات ترنيمة : متستغربش

ما تستغربش
لو أحلامك في الصلاة
بعد زمان اتحققت
ماتستغربش


لو ينابيع سقت الأراضي
بعد ما اتشققت
ما تستغربش


لو إيدين في الدموع
لَمَسِت كتافك
شجَعِّت نفْسَك وقُمت
وعِلِي هتافك


لو ظروفك هي هي
لكن حزنَك ماكمِلش
لا ما تستغربش


ما تستغربش
لو فيه ناس كانت رافضة حُبُه
والنهارده بتعبده
ما تستغربش


لو قساوة القلب دابت
لما لَمَسه وجَدِّده
ما تستغربش


لو سجون اتفتحت
ودخلها نوره
بَدِّد الأحزان
بفِيض ينبوع سروره


وع الصخرة ثبت الرجل
اللي كانت ما بتقدرش
لا ما تستغربش


علِّي إيمانك وحُبَّك للمسيا
حُط ثِقَتَك واترمي على الحبيب


دي محبته وقدرته دي هي هي
ده لو تأنى
ها يستجيب



خريطة الموقع