كلمات ترنيمة : متعولش الهم

^(ق) ما تعولش الهم وما تخافشي
ربنا موجود
دا إلهك حيّ ما بينامشي
وما لُهش حدود


⁽¹⁾ اطّمّن روح لطبيب الروح
دا الباب مفتوح بابه مش مسدود


قول لي تخاف ليه متشال في عينيه
منقوش في إيديه شعرك معدود


⁽²⁾ يا سلام يا هَناك طول ما هو وياك
وإيديه سانداك وعليك بيسود
خليه مسؤول عنك على طول
الهم يزول والفرْح يعود


⁽³⁾ لو ماسك فيه ومسلم ليه
عمرك وعليه على طول مسنود
تهدم أسوار وتعدي بحار
لا يهمك نار ولا جب أسود


⁽⁴⁾ بتقاسي كتير ليك رب كبير
كل دا للخير ودا شيء مقصود
دا ها يشفي آلام وها يدي سلام
مش بس كلام دي آيات ووعود



خريطة الموقع