كلمات ترنيمة : متقولهاش تاني

^(ق) ما تقولهاش تاني يا ابني
(مش هتموت)2
مش مقبول طلبك مني
(مش ها تموت)2


⁽¹⁾ عارف قلبك شايفه كويس
مش متفاجىء بكسور فيك
أنا مختارك أيوه بضعفك
ومحبتي مش واقفه عليك


الناس تنسى الحلو عشان
مرة غلطت، تمرر فيك
وانا ما انساش كاس الميه
ولا دمعه صليتها عنيك


⁽²⁾ ريح قلبك وارخ إيديك
اسند راسك عند أبيك
كل دلوقت ونام يا إيليا
واطمن متمسك بيك


إيمانك بيّ وقف بيك
زي أسد وزئيري ماليك
كون إيمانك بيك كان ناقص
ده غالي في عنيّ وليك


⁽³⁾ مش طايق حد من الناس؟
آدي ملايكه هاتخدم فيك
والعمر الجاي لِسَّه أنا عايزك
تخدم وتزود أوانيك


عايز منك كده كام روح
خارجين بالمسحة اللي عليك
وانت هاتصعد حي ف موكب
ملكي سماوي لما اناديك



خريطة الموقع