كلمات ترنيمة : مسيحي حلو ويتحب

^(ق) مسيحي حلو ويتحَب
مكانه جوه العين والقلب
تمشي له خطوة يمشى اثنين
ويحفظك فى نن العين


⁽¹⁾ مشى لى من السما للأرض
بحب ماله طول ولا عرض
وأخلى نفسه وترك المجد
ورضي ياخد صورة العبد


⁽²⁾ في بحر حبه رمى خطاياي
وملا قلبي أفراح يا هناي
كبعد المشرق عن المغرب
أبعَدها والعدو لا يقرب


⁽³⁾ وإنت يا رايح قول للجاي
مسيحي يغفر كل شيء
زكا والخاطية وكل أثيم
نالوا الحياة دخلوا النعيم


⁽⁴⁾ من غير ما تتعب وتدوَّر
إن كنت عاوز قلب منور
مافيش غيره هو النور
ويغسل كل الشرور


⁽⁵⁾ يا هناه اللى يعيش وياه
ويتبع آثار خطاه
عمره ما يضل ولا يتعب
ولا تذل قدماه


⁽⁶⁾ محب ألصق من اللأخ
يحمينا من الوقوع في الفخ
طول ماهو معانا طريقنا نور
كل المشوار فرح وسرور


⁽⁷⁾ كل إنسان بده يهتم
بيقدم له خلاص بالدم
وطوبي للي ياخد الكاس
حالًا يرفع عنه القصاص



خريطة الموقع